بكـيـــر حتى ترحـــلي يا معــــذبي
بقلــبي أنــا حُــبِك يا عـينيي ربي

أنت و أنا كنا سوا بمعلــب هــوى
ع الهجـر صرتي بالخــفا تتـدربي

بعلمي حلفتي عمرنا نقـضي سـوا
شـو صار حتى موعــدي تتجـنبي

قالو الهــوى للمدنــف العـاني دوا
و انتي هــواكي في فؤادي تلعـبي

قلبي جنونـك رغـم آلامـو احتــوى
و عـــــدتي بعد فترة الى تتـقـربي

يا مــا أنا تحـملت آلام و جــــــوى
خافي عـذابي عن عيونـك بالخبي

وقلبي على جمر الهجر لما اكتوى
حســيت عاطفـــتك مــــواد معـلبي

تْجَلّد حنيني وع جـمرهجـرك ذوى
أتعــــــذب و انتي فــــؤادي تعذبي

قالو الأطـــبا بالقلب عنــدك خـوى
شـــوية فــراغ الهــم كلـو مسببي

ما شخصو العــله ولا علمن روى
انـك بالعاب الطفـــــوله مسرسبي

ولابيعرفوبالطيش في عندك هوى
بتعـــــملي الحيلي و تجي تتعجبي

ما كنت عارف بحرك الهادى نوى
و لقلاق بحرك بالهـــداوي خُـلَبي

حبيت واجـــه طيشك بفكر استوى
و لما عاتبك ليـش صرتي تهـربي

مبين حلاكي بس ما عندك غــوى
بالواجهــــة تمـثال بنــت مـــرتبي

مظهربلا جوهر على حالو انزوى
من معمل بلاستيك قطع و مركبي

لا روح فيكي وقلبك بغلو انشــوى
صرتي بحياتـك في هـواكي ثعلبي

يا "تخمة همومي" أنا قلبي طوى
كتاب الوجع وارتاح رف المكتبي

انشا الله يصيبك متل ما قلبك نوى
و ما تعــتلي بأيا فـرح عل مَرْتبي

و شوفك على عكاز والعظم التوى
و ما تشفق عليكي بنت يما صبي

و ع جهنم تروحي بلا ما ترجعي
و تنشوي ع نــــار حـمرا ملهلبي

*****
و بعد الخصام وئام

لا تفكـــــري بقسى عليكي بالكـــلام
واجرح شعورك بالحروف وبالحكي

و لا تصدقي بقبل أنا منـــك مـــلام
بالأصل انتي الباديـــــه بالزكـزكي

قلبي في حــبو ما بيتحمــــل خصام
يا ما بـــدل بســــمات بدموع البكي

قلبي المْعَــود ع المحــبة و الهــيام
تركتي أحاسيسو بجفـــاكي ملبــكي

يمكـن نسيتي كل لهــــفـات الغــرام
و رحتي بدموعك للعــوازل تشتكي

كنتي بعيني شمع ذايــب ع الرخـام
بسهر ع نورك باللـــــيالي الحالكي

كان الهـــــوى بيناتــــنا بالانسجـام
و تغازليني و الرمش يهتــــف لِكي

كانت علاقــــــــتنا مـوده و احـترام
وقطـر الندي يختال ع الورد الزكي

و ما كان في عمري لغيرك اهتـمام
و انتي شغلتي القلب تا عــنِك حِكي

كان المُــــدام بكاسنا يحاكي المُـدام
و ابقى أنا صاحي و انتي تــــدركي

بدو صفا هالحــب ما بــــــــدو زؤام
و بـــــــدو تصافي ع أمور مشربكي

بدو تفاهــــم و التـــفاهم ع الــــدوام
بـــــــدو صراحة قلب بــــــدو تكتكي

يمكن غلطـتي و صار لازمها ســلام
بيكــــفي بقى باحساس قلبي تشككي

قلبي نـــوى بيسامحك هــــيدا لــزام
و ضد قلبي ما بخــــــوض المعركي

يلي غـــــــزل بمحبتك ثـوب الحـرير
بقلبي ارتاحي و لا تظـــلي مدهـدكي

*****
و هلق بعد ما زحت عن همي النقاب
ما في لزوم نعــود ل نــــقار و عتاب

بدرب الهـــنا بنمشي سوا انتي و أنا
و بالعـمر يا روحي ما بـدنا اكــــتئاب

بحبـــــك يا وجه السعد يا عُمر الهنا
و انتي يا صفحة نـور عنوان الكتاب

و بنعيش كل العـمر في حب و غرام
ع شرط بس يكون ممنوع الغـــــياب

======