مفخخات وأسلحة وأميركان
الدهر بس وياي عالنهه حربه
مو طلقة حط بالروح حط بيهه " بمبه"
" فخختْ " روحي اليوم كل هذا لجلك
ولو مارضوا ينطوك انفجر بهلك
بين الگلب والروح اهنا اخليك
واكتب " خطر ممنوع " محد يمر بيك
ظلمة " وحظر تجوال " وامريكي عل الباب
ولو تنگلب طلقات اتعنه الاحباب
" مفخخ " صرت بهواك صرت انتحاري
تفجيري " بالريموت " بيدك قراري
من كثر مامشتاگـ تيهت نفسي
اجرت الامريكان حسبالي تكسي
" عبوة " وزرعني الشوگ صرت علة دربك
واعذرني لو " طگيت " فجرني حبك
مليشيات وطوائف
ظلمة و "حظر تجوال " و " البطة " تفتر
واليطلع " ايصكوه " لو جدة يحظر
* ملاحظة للعراقيين المغتربين : البطة هية سيارة 4*4 لاندكروز للعلاسة ..عفوا للشرطة
صوم وصلاه نيشان بالگصة راسم
ولو تسأل التاريخ يطلع " حواسم "
لو گلبي عافك يوم سويته " تكه "
و ( للمكتب استدعاء بالبطة اصكة )
اصكة : بالتشديد على الكاف ..يعني انعلس الولد
خوة ونظل للدوم سنه ويه شيعة
والدين نفس الدين نفس الشريعة
تملق من جناب الشاعر للافادة الشعرية
انترنت وكومبيوتر وسفر
" فرمتت " هاي الروح من كل الاوهام
واول اسم حطيت اسمك على " الرام "
الگلب نص الليل حن وذكركم
والعقل صاير" رام " يخزن صوركم
" بالنت " صدگ حبيت، حبيت بخبال
تالي فتحت " الكام "، طلعتلي رجال
صح البشر حلوين بس الك ميزة
تدخل گلب تهريب وبلية " فيزة "
تلفونات موبايل " نقال "
دگ گلبي ست دگات والگلب " هزاز"
" نقالي " هم شيطان يعرفهم اعزاز
فارغ حبيب الروح نايم على الريش
خايف على " السنتات " گاضيها " ترميش"
موصوجك انته الصوج كله من اديه
سويتلك " المس كول " تفتح عليه
لا " مسج " لا " مس كول " چا شنهي فلمك
دزلي رساله ابساع لاامسح اسمك
دايخ وافكر بيك ومشوش البال
خابرت " بالريموت " حسبالي " نقال "
فرفح جهازي عليك ثق فرفح" الرام"
والشحن من دگيت يرگص "هجع" گام
دارميات تحشيش
طـُفر طـَفرْ خنزير و " العمبة " طيبة
گوم اترس " اللالاتْ " مالك علاقه
أزرع بصل بالگاع تطلع " بتيته"
لك شلي بالبطيخ،شكرا جزيلا
فرفح جهازي عليك صدك هلهل الرام ..
والشحن من دكيت يركص هجع كام..
فرمتت قلبي اليوم من حب الاوهام
و اول اسم خليت اسمك على الرام
ثق يرجف النقال بس يسمع الصوت
صايرلي عزرائيل بس تحکم نموت
انت النبض بالروح بدونك فلا اعيش
بس وسفة يابذات كاضيها ترميش
احلف وحگ عيناك ما اظن اعوفك
ماينفع النقال محتاج اشوفك
بس اني اخابر ليش خابرني مره...
عمي احنه مو تجار والله احنه فقره.
صح اني كاطع بيك صوت ورسايل
بس اشكثر بالروح حب الك شايل
لامسج لامسكول ياابخل الناس
هاذا بخل يافلان لو طكك فلاس
نقالي فد شيطان يعرفني أحبكم ..
يكتب مسج بسكوت ويدزه ألكم......
كون انگلب سنتات وابقى برصيدك
ومن تغازل الحلوات اطفر واصيدك
انتحر بالسنتات وانفض رصيدي
وجسمي اشتغل هزاز من رجلي ليدي
نقالي من دكيت ما دكلي هزاز..
دكلي بحنين وصاح ذكروني الاعزاز
لاعشرة لاعشرين اخسر عليكم
كل الرصيد يروح فدوة لحجيكم
مدري أحضن النقال مدري أبوسه؟
رقمك مسجل بيه كل ساعه أدوسه
غالي وعزيز الكارت بس لجلك ايهون ...
وهاي الخمس سنتات فدوى لهل عيون..
من ارسل الكلمات ماتشفى لجروح
كون من ادوس ارسال ارسلك الروح
لا مسج لا مسكول جا شنهو فلمك
دزلي رساله ابساع لا امسح اسمك
لا مسج لا مس كول لا حتى رنة
ليش انتة هيچ وياي يا بعد اهلنة
من گلبي أجر أسلاك حتى أتصل بيك
فدوة الرصيد يروح بس كون أحاچيك
لا آلو .. لا ترميش .. لا منك أخبار
ردنه خمس سنتات .. ما ردنا دولار
مجبور أدك أرقام تجبرني إيدي
دم گلبي أخلصه عليك مو بس رصيدي
ساعات ادك ارقام ماتعبت ايدي
قلبي اخلصه عليك موبس رصيدي
دك روحه ست دكات و نكلب هزاز
جوالي هم شيطان يعرفهم الاعزاز
دق الموبايل وفز القلب فزه
حيا الله المسج وحيا الله من دزه
صح اني گاطع بيك صوت ورسايل
بس والله شكثر بالروح حب الك شايل
الحلو غايب وغابت مسجاتة
مدري زعلان لو خايف على فليساته
اتمنه العراق يصير للدنيا جنـــــه
ونحتفل بكل عيد شيعه وية سنه
أخطب شلع بالناسوالساحة تشهد
وأعلن حظر تجوال لو غثك أحد
كل البشر دولار بس انت يورو....
انخاني للشدات تلكاني زورو.
حبك يابعد الروح كلة مشاكل
اشوي كباب شلون يطلع فلافل ..
ادري الرصيد ايروح و افلوسة كلفة
هنه خمس سنتات احسبهة لفه
فرفح جهازي عليك صدك هلهل الرام ..
والشحن من دكيت يركص هجع كام..
فرمتت قلبي اليوم من حب الاوهام
و اول اسم خليت اسمك على الرام
ثق يرجف النقال بس يسمع الصوت
صايرلي عزرائيل بس تحکم نموت
انت النبض بالروح بدونك فلا اعيش
بس وسفة يابذات كاضيها ترميش
احلف وحگ عيناك ما اظن اعوفك
ماينفع النقال محتاج اشوفك
بس اني اخابر ليش خابرني مره...
عمي احنه مو تجار والله احنه فقره.
صح اني كاطع بيك صوت ورسايل
بس اشكثر بالروح حب الك شايل
لامسج لامسكول ياابخل الناس
هاذا بخل يافلان لو طكك فلاس
نقالي فد شيطان يعرفني أحبكم ..
يكتب مسج بسكوت ويدزه ألكم......
كون انگلب سنتات وابقى برصيدك
ومن تغازل الحلوات اطفر واصيدك
انتحر بالسنتات وانفض رصيدي
وجسمي اشتغل هزاز من رجلي ليدي
نقالي من دكيت ما دكلي هزاز..
دكلي بحنين وصاح ذكروني الاعزاز
لاعشرة لاعشرين اخسر عليكم
كل الرصيد يروح فدوة لحجيكم
مدري أحضن النقال مدري أبوسه؟
رقمك مسجل بيه كل ساعه أدوسه
غالي وعزيز الكارت بس لجلك ايهون ...
وهاي الخمس سنتات فدوى لهل عيون..
من ارسل الكلمات ماتشفى لجروح
كون من ادوس ارسال ارسلك الروح
لا مسج لا مسكول جا شنهو فلمك
دزلي رساله ابساع لا امسح اسمك
لا مسج لا مس كول لا حتى رنة
ليش انتة هيچ وياي يا بعد اهلنة
من گلبي أجر أسلاك حتى أتصل بيك
فدوة الرصيد يروح بس كون أحاچيك
لا آلو .. لا ترميش .. لا منك أخبار
ردنه خمس سنتات .. ما ردنا دولار
مجبور أدك أرقام تجبرني إيدي
دم گلبي أخلصه عليك مو بس رصيدي
ساعات ادك ارقام ماتعبت ايدي
قلبي اخلصه عليك موبس رصيدي
دك روحه ست دكات و نكلب هزاز
جوالي هم شيطان يعرفهم الاعزاز
دق الموبايل وفز القلب فزه
حيا الله المسج وحيا الله من دزه
صح اني گاطع بيك صوت ورسايل
بس والله شكثر بالروح حب الك شايل
الحلو غايب وغابت مسجاتة
مدري زعلان لو خايف على فليساته
أخطب شلع بالناسوالساحة تشهد
وأعلن حظر تجوال لو غثك أحد
كل البشر دولار بس انت يورو....
انخاني للشدات تلكاني زورو
حبك يابعد الروح كلة مشاكل
اشوي كباب شلون يطلع فلافل .
ادري الرصيد ايروح و افلوسة كلفة
هنه خمس سنتات احسبهة لفه
عيوني إلك دولار ورموشي سنتات
ولو هم رصيد اتريد آنه اشتري الكارت
لامسج لامسكول لاتذكرونه
يمكن شحن مابيه لو نسيتونه
أرسل ودگ مسكول ميردلي اشبيه
صامت وموهزاز يمكن مسويه
وين الرسايل وين مدز اليه
هنه خمس سنتات تعزهن عليه!
ظلن خمس سنتات مااريد اعزهن
بيهن رسالة شوگ لهواي ادزهن
أشحن وعبي الكارت واصرفه بيومين
خلص الراتب بيك وحگضيها بالدين
دمعة عيونك سيف وبگلبي اتحز
من اذكرك يهواي كل جسمي يهتز.
من كثر ما أشتاگ وشكي امن الفراگ
ارسل دموع العين وي سيل الاشواگ.
أشواقي مو مليون جمعت ملايين
مقسومه عل أحساس مض
الرئيسية
البوابة
أحدث الصور
التسجيل
دخول
.gif)