انتي وين واني وين قصيدة قديمة لخضير هادي

أنت وين واني ويـــــــن شكد فرق بين الاثنيـــــن
أنت كومه فلوس عـندج وأني شيخ المفلســــــــين
أنت كل اكلج نواشــــف وأني خبزه وهم عجيـــن
أنت عندج كعب عالـــي وفوكاهه درزن فساتيــن
وأني عندي نعال واحــد ودشداشه وحدة من سنيـن
أنت عالموديل لبســــــج وأني ستره ام فتحتيــــن
خوش ستره الناس كالت تركها جدي شكد حنيـــــن
شلون ستره اللون أخضر وبيهه ياخه مترتيــــــــن
تالي طلعت هم جبيــــره وما حسبت جدي سميـن
أني وزني 12 كيلــــــــو وجدي فوك الوزنتيـــــن
أنتي طب الدش عدكــم والله يعلم من سنيــــــــن
وأني تلفزيون عــــــادي ويشتغل بس ساعتيـــــن
يشتغل السبت ساعه والأحد عطلته ومشوش يوم الأثنين
بيه شفت كعبول مـــــره وماشفت ساسوكي زيـن
أنتي كل حجيج نزاكه please أنــت و sorry أنـت hello من تسلميـن
وأنه بالجا أحجــــــــــي وأدري أنتي ما تفهميــن
من المشي رجليه سافت وأنتي B M تركبيــن
لا تكوليلي أوصــــــلك وين رايح لا تسأليـــــــن
هذا تعبج كله ضايـــــع لا ما أصعد وأنتي تعرفين
السبب مو عزة نفس تمنع لا خجل لا لا تظنيــــــن
السبب صارلي سنيــــــن حاير يدة الباب ويــــــن

القصيدة كثير حلوة تسلم ايدك

شكرا على الموضوع الرائع

تسلم ايدك على القصيدة الرائعة

يسلم الذوق الرفيع
بانتظار جديدك على احر من الجمر

يسلموااااا على الشعر الرائع انتقاء جيد

يوجد قلم يصقل مواهبـه وقلم يلصق مقالبـه !!
هناك قلم مشبوه وآخر لايتشابـه أو يُشابـه وآخر لاتشُوبـه شائبـة !
وآخر مـُشبـْه وآخر مـُشتبـَه بـه وآخر أحرفـه متقلبـة !!
هناك قلم يطرَح وآخر يُفرح وآخر يجرح !!
هناك قلم حكيم وآخر أليم !!
لديك قلم جميل جدا
يسكب حبر مميز ياأخذني لمكان لا اتخيله
اشكرك
موضوع جميل ورائع
لكـ ارقى لتحايا
دمت بحفظ الباري
ودي واحترامي
~~ْ~~